«Заң және тәртіп – Конституция құндылықтарының негізі» тақырыбында оқу жылының аяқталуына арналған салтанатты жиын өткені туралы мәлімет
Мектебімізде оқу жылының аяқталуына орай «Заң және тәртіп – Конституция құндылықтарының негізі» тақырыбында салтанатты жиын өткізілді. Іс-шараның мақсаты – оқушыларға заңдылық пен тәртіптің қоғамдағы маңызын түсіндіру, Қазақстан Республикасының Конституциясының негізгі құндылықтарын насихаттау, азаматтық жауапкершілік пен құқықтық мәдениетті қалыптастыру. Салтанатты жиын барысында оқу жылы қорытындыланып, білім, тәрбие және қоғамдық жұмыстарда жоғары нәтижелерге қол жеткізген оқушылар марапатталды. Сонымен қатар, мектеп бітірушілер мен оқу жылын аяқтаған сыныптарға ізгі тілектер айтылды. Іс-шара барысында заң мен тәртіптің қоғамдағы тұрақтылықты қамтамасыз етудегі рөлі ерекше атап өтілді.
Салтанатты жиын жоғары деңгейде ұйымдастырылып, қатысушыларға көтеріңкі көңіл-күй сыйлады және оқу жылының сәтті аяқталуына үлес қосты.