«Мемлекеттік рәміздер – мақтанышым» тақырыбында сурет байқауы ұйымдастырылды. Бастауыш сынып білім алушылары өз шығармашылықтарын танытып, Ту, Елтаңба және туған елге деген сүйіспеншіліктерін сурет арқылы бейнеледі. Байқау барысында оқушылар мемлекеттік рәміздердің маңызын түсініп, оларға деген құрметтерін көрсетті. Іс-шара жас ұрпақтың патриоттық сезімін қалыптастыруға және ұлттық құндылықтарды дәріптеуге бағытталды.  

Жазғы лагерьдің үшінші күні қызыққа толы өтті! Балалар Big Smile Kids ойын-сауық кешеніне барып, түрлі ойындар ойнап, көтеріңкі көңіл-күй сыйлаған әсерлі сәттерге куә болды. Күні бойы шат күлкі мен қуанышқа бөленген балалар ұмытылмас естеліктер жинады.   

Жазғы лагерьдің екінші күні – "Көңілді старт" атты эстафеталық ойындар күні! 🎉 Лагерьдің екінші күні қызықты әрі тартысты эстафеталық ойындарға арналды. Балалар бірнеше топқа бөлініп, жылдамдықтарын, ептіліктерін және ұйымшылдықтарын сынады. Қатысушылар доппен жүгіру, кедергілерден өту, түрлі заттарды тасымалдау секілді қызықты тапсырмаларды орындап, өзара ынтымақтастық пен командалық рухтың үлгісін көрсетті. Әр бала өз командасының жеңісі үшін бар күш-жігерін жұмсап, достарына қолдау білдірді.

“Күншуақ» жазғы лагерінің ашылуы – балалардың жазғы демалысын қызықты әрі пайдалы ұйымдастыру мақсатында өткізілетін мерекелік іс-шара.Ашылу рәсімі Мемлекеттік Гимнмен басталып, құрметті қонақтардың құттықтау сөздерімен жалғасты. Ашылу салтанатында лагерь қатысушылары таныстырылып, жасақтар құрылып, олардың атауы мен ұраны бекітіледі. Сонымен қатар түрлі ойындар, концерттік бағдарламалар, спорттық жарыстар мен флешмобтар ұйымдастырылады. Бұл шара балалардың бір-бірімен танысып, достық

1-11 сыныптарында  «Заң және тәртіп – ұлттық Конституцияның құндылықтары» тақырыбында қорытынды тәрбие сағаты өткізілді. Іс-шара барысында оқушылар заңдар мен ережелерді сақтаудың маңыздылығын талқылап, азаматтардың құқықтары мен міндеттері, сондай-ақ құрмет, жауапкершілік және қоғамдағы тәртіп пен бірлікті сақтауға ықпал ететін құндылықтар туралы әңгімелесті. Сондай-ақ оқушылар оқу жылының қорытындысын шығарып, есте қаларлық оқиғалар мен жетістіктерді еске алды және жазғы демалысқа арналған

«Ойлан! Тап!» атты білім сайысы 5 «А», 5 «Ә», 5 «Г» сыныптары арасында жоғары деңгейде өткізілді. Сайыстың мақсаты — оқушылардың білімге деген қызығушылығын арттыру, логикалық ойлау қабілеттерін дамыту және тапқырлыққа баулу. Сайыс барысында оқушылар интеллектуалды сұрақтарға жауап беріп, түрлі логикалық тапсырмалар орындады. Қатысушылар өздерінің жылдам ойлай білетінін, білімділігін және ұйымшылдығын көрсетті. Әр кезең өте қызықты әрі тартысты өтті. Оқушылар белсенді қатысып, өз сыныптарының

4 «В» және 4 «Г» сынып оқушылары үшін «Ертегілер жолымен» атты танымдық викторина өткізілді. ✨📚 Оқушылар сүйікті ертегілерінің әлеміне саяхат жасап, сұрақтарға жауап берді, жұмбақтар шешті және өздерінің тапқырлықтарын, зейінділіктерін әрі ертегі кейіпкерлері туралы терең білімдерін көрсетті. Викторинаны Герман Л.В. мен Касанова Р.И. ұйымдастырып өткізді. Іс-шара балаларға көтеріңкі көңіл-күй сыйлап, көптеген жағымды эмоциялар мен қуанышқа бөледі. 🌟  

2026 жылғы 18 мамырда 10 «В» және 10 «Г» сынып оқушылары Көксу ауданының өрт сөндіру бөліміне экскурсия жасады. Азаматтық қорғаныс қызметінің аға сержанты, №4 өрт сөндіру бөлімінің жүргізушісі Мұсабай Ерік Айтбекұлы оқушыларға танымдық дәріс өткізіп, экскурсия барысында өрт сөндіру қызметінің жұмысы туралы жан-жақты мәлімет берді. Оқушылар өрт сөндіру техникасымен, қызметкерлердің күнделікті міндеттерімен және төтенше жағдайлардың алдын алу шараларымен танысты. Экскурсия қызықты әрі әсерлі

 4 «Г» сыныбында «Мемлекеттік рәміздердің тарихы» тақырыбында тәрбие сағаты өтті. Оқушылар Қазақстан Республикасының Туы, Елтаңбасы және Әнұранының шығу тарихымен танысып, олардың маңызы мен әрбір азамат үшін мәні туралы мағлұмат алды. Сабақ барысында оқушылар әңгімеге белсене қатысып, сұрақтарға жауап беріп, Отан туралы өз білімдерімен бөлісті. Осындай іс-шаралар оқушылардың бойында патриоттық сезімді қалыптастырып, мемлекеттік рәміздерге деген құрметті және туған елге деген сүйіспеншілікті

18-мамыр күні 4”А” сыныбында “Мемлекеттік рәміздер тарихы” атты сынып сағаты өтті. Мақсаты: Оқушыларды Қазақстан Республикасының мемлекеттік рәміздерінің шығу тарихымен және мағынасымен таныстыру. Мемлекеттік рәміздердің авторларын атап, олардың маңызын түсіндіру. Оқушылардың бойына патриоттық сезімді, Отанға деген сүйіспеншілікті және мемлекеттік белгілерге деген құрметті қалыптастыру. Сынып сағаты барысында оқушылар жаңа ақпараттармен танысып, өлең шумақтарын айтты. Жұптық жұмыстар орындап,