Жасампаздық туа біте ме, әлде қалыптаса ма? тақырыбында дебат

«Медеубай Құрманов атындағы №2 орта мектебі» КММ 

«Біртұтас тәрбие» бағдарламасы аясында «Ұшқыр ой алаңы» жобасының жоспарына сәйкес «Жасампаздық туа біте ме, әлде қалыптаса ма?» тақырыбында дебат өткені туралы 

АҚПАРАТ

 «Медеубай Құрманов атындағы №2 орта мектеп» коммуналдық мемлекеттік мекемесінің «Біртұтас тәрбие» бағдарламасы аясында «Ұшқыр ой алаңы» жобасының жоспарына сәйкес 9 «А» сыныбының оқушыларымен «Жасампаздық туа біте ме, әлде қалыптаса ма?» тақырыбында дебат өткізілді.Дебаттың негізгі мақсаты — пікірталас арқылы шындыққа жету, өз көзқарасын дәлелдеу және тыңдаушыны сендіру емес, кеңірек мағынада алғанда, ол келесідей міндеттерді қамтиды:

1. Логикалық ойлау қабілетін дамыту: Фактілер мен дәлелдемелерді жүйелеп, себеп-салдар байланысын анықтау.

2. Сөйлеу мәдениеті мен риториканы жетілдіру: Өз ойын нақты, сенімді және әсерлі жеткізу.

3. Сын тұрғысынан ойлау: Кез келген мәселені әртүрлі қырынан қарастырып, өзге пікірге сыни көзбен қарау.

4. Тыңдау және құрметтеу дағдысы: Қарсыластың дәлелін мұқият тыңдап, оған дәйекті жауап беруге үйрету.

5. Ақпараттық сауаттылық: Дереккөздермен жұмыс істеу, жалған ақпаратты сүзгіден өткізу.

6. Қоғамдық маңызды мәселелерді талқылау: Әлеуметтік, саяси, экономикалық тақырыптарды тереңірек түсініп, шешім ұсыну. 

7. Жасампаздықтың пайда болу факторларын (генетика, орта, білім, тәрбие) талдау және оның қайнар көзін анықтау. 

Дебат барысында 4 оқушыдан тұратын 2 команда қатысты.

1. «Туа біте» (Пропозиция) — жасампаздық генетикалық, тумыстық қасиет деген ұстанымды қорғады.

2. «Қалыптасады» (Оппозиция) — жасампаздық орта, тәрбие, білім арқылы қалыптасады деген ұстанымды қорғады.

Оқушылар  жоғары зияткерлік қабілетімен, логикалық ойлауымен ерекшеленді. Дебат барысында күрделі ғылыми деректерді (нейробиология, генетика) еркін пайдаланып, қарсыластың дәлелдеріне нақты әрі дәйекті жауап берді. Сөйлеу мәдениеті де жоғары деңгейде: ойын анық, қарқынды, тыңдаушылардың   назарын ұстай отырып жеткізді. Командада жұмыс істеу барысында серіктестерінің пікірін құрметтейді, ортақ стратегияны ұстануға тырысты. Өздерін  салмақты, сыпайы, сонымен бірге ашық  сұрақтар қоя біледі.  Оқушылардың   дебатқа қатысуы олардың сыни ойлауын, көпшілік алдында сөйлеу дағдысын, ғылыми дереккөздермен жұмыс істеу шеберлігін айтарлықтай жетілдірді. Оларды жігерлі, мақсатшыл, өз пікірін дәлелдей алатын тұлға ретінде сипаттауға болады.