Мұғалімдер күніне орай "Даналық ұстаздан" челленджі, дублер күні
«Медеубай Құрманов атындағы №2 орта мектеп» КММ
«Шабыт» жобасы аясында: мұғалімдер күніне орай «Даналық ұстаздан» челленджі, дублер күні өткені туралы
мәлімет
2025 жылдың 3 қазанында Мұғалімдер күніне орай «Шабыт» жобасы аясында «Даналық ұстаздан» челленджі және Дублер күні ұйымдастырылды. Іс-шараның негізгі мақсаты – ұстаз еңбегіне деген құрметті арттыру, оқушылар мен мұғалімдер арасындағы байланыс пен ынтымақтастықты нығайту болды. «Даналық ұстаздан» челленджі барысында оқушылар мен жас мұғалімдер өз ұстаздары туралы жылы лебіздерін, әсерлі естеліктерін және алғыс сөздерін бейнежазба немесе әлеуметтік желілер арқылы бөлісті. Бұл бастама ұстаздарға рухани қолдау мен мерекелік көңіл күй сыйлады.
Сонымен қатар, Дублер күні өткізіліп, жоғары сынып оқушылары мұғалімдердің рөлін уақытша қабылдап, сабақ жүргізді. Бұл шара оқушылардың педагогикалық шеберлікті сезініп, ұстаз еңбегінің жауапкершілігі мен маңызын түсінуіне мүмкіндік берді. Іс-шара жоғары деңгейде өтті, қатысушылар бір-біріне шабыт сыйлап, оқу орнының шығармашылық және достық рухын нығайтты. «Шабыт» жобасы осындай мазмұнды және тәрбиелік мәні зор іс-шараларды алдағы уақытта да жалғастыруды көздейді.