“Кәсіпке бастар жол”

“Кәсіпке бастар жол” жоспары аясында 10-сынып оқушылары сынып жетекшілерімен бірге УЗМАЙ зауытына экскурсия жасап қайтты.
Экскурсия барысында оқушылар зауыттың өндірістік цехтарын аралап, заманауи құрал-жабдықтардың жұмыс істеу барысымен танысты. Мамандардан өндіріс саласындағы мамандықтар, техникалық қауіпсіздік ережелері, еңбек тәртібі, жұмыс процесі туралы маңызды мәліметтер алды.
Оқушылар инженер, технолог, оператор, дәнекерлеуші секілді мамандықтардың ерекшеліктерімен танысып, бұл кәсіптердің бүгінгі таңда сұранысқа ие екенін білді.
Экскурсия оқушыларға ерекше әсер қалдырды. Олар өндіріс саласының қоғамдағы маңызын түсініп, болашақ мамандық таңдауға байланысты өздеріне қажетті пайдалы ақпарат алды.