https://drive.google.com/drive/folders/1Yovl_jRgPdcdFOKWTKfziNtHLPbS6Ekk?usp=drive_link  

J-League жобасы аясында қыздар арасында өткен волейболдан «Шұбар доп» жарысында мектебіміздің командасы І орын иеленіп, облыстық кезеңге жолдама алды! 🏐🥇 Жеңімпаз қыздарымызды және олардың жетекшілерін осы жарқын жетістіктерімен шын жүректен құттықтаймыз! Көрсеткен табандылықтарыңыз бен командалық бірліктеріңіздің нәтижесі зор жеңіске ұласты. Алдағы облыстық жарыста да сәттілік серік болып, мектебіміздің мерейін үстем ете беріңіздер! 💐👏 Жеңістеріңіз көп, алар асуларыңыз биік болсын!

«Мемлекеттік рәміздер – мақтанышым» тақырыбында сурет байқауы ұйымдастырылды. Бастауыш сынып білім алушылары өз шығармашылықтарын танытып, Ту, Елтаңба және туған елге деген сүйіспеншіліктерін сурет арқылы бейнеледі. Байқау барысында оқушылар мемлекеттік рәміздердің маңызын түсініп, оларға деген құрметтерін көрсетті. Іс-шара жас ұрпақтың патриоттық сезімін қалыптастыруға және ұлттық құндылықтарды дәріптеуге бағытталды.  

Мектеп жанындағы «Күншуақ» жазғы сауықтыру лагерінде Мемлекеттік рәміздер күніне орай патриоттық флешмоб ұйымдастырылды. Бастауыш сынып білім алушылары Мемлекеттік рәміздерге құрмет көрсетіп, көтеріңкі көңіл-күймен арнайы дайындалған би қимылдарын орындады. Іс-шараның мақсаты – жас ұрпақтың бойында Отанға деген сүйіспеншілікті арттыру, мемлекеттік рәміздерді қастерлеуге тәрбиелеу және патриоттық рухты нығайту.  

Мектеп жанындағы «Күншуақ» жазғы сауықтыру лагерінде Мемлекеттік рәміздер күніне арналған іс-шара өтті. Бастауыш сынып білім алушылары Қазақстан Республикасының Мемлекеттік Гимнін салтанатты түрде орындап, ел рәміздеріне деген құрметтерін көрсетті. Жас ұрпақтың бойында отансүйгіштік сезімді қалыптастыру, мемлекеттік рәміздерді қадірлеуге тәрбиелеу мақсатында ұйымдастырылған шара жоғары деңгейде өтті.  

Жазғы лагерьдің үшінші күні қызыққа толы өтті! Балалар Big Smile Kids ойын-сауық кешеніне барып, түрлі ойындар ойнап, көтеріңкі көңіл-күй сыйлаған әсерлі сәттерге куә болды. Күні бойы шат күлкі мен қуанышқа бөленген балалар ұмытылмас естеліктер жинады.   

Жазғы лагерьдің екінші күні – "Көңілді старт" атты эстафеталық ойындар күні! 🎉 Лагерьдің екінші күні қызықты әрі тартысты эстафеталық ойындарға арналды. Балалар бірнеше топқа бөлініп, жылдамдықтарын, ептіліктерін және ұйымшылдықтарын сынады. Қатысушылар доппен жүгіру, кедергілерден өту, түрлі заттарды тасымалдау секілді қызықты тапсырмаларды орындап, өзара ынтымақтастық пен командалық рухтың үлгісін көрсетті. Әр бала өз командасының жеңісі үшін бар күш-жігерін жұмсап, достарына қолдау білдірді.

“Күншуақ» жазғы лагерінің ашылуы – балалардың жазғы демалысын қызықты әрі пайдалы ұйымдастыру мақсатында өткізілетін мерекелік іс-шара.Ашылу рәсімі Мемлекеттік Гимнмен басталып, құрметті қонақтардың құттықтау сөздерімен жалғасты. Ашылу салтанатында лагерь қатысушылары таныстырылып, жасақтар құрылып, олардың атауы мен ұраны бекітіледі. Сонымен қатар түрлі ойындар, концерттік бағдарламалар, спорттық жарыстар мен флешмобтар ұйымдастырылады. Бұл шара балалардың бір-бірімен танысып, достық

“Кәсіпке бастар жол” жоспары аясында 10-сынып оқушылары сынып жетекшілерімен бірге УЗМАЙ зауытына экскурсия жасап қайтты. Экскурсия барысында оқушылар зауыттың өндірістік цехтарын аралап, заманауи құрал-жабдықтардың жұмыс істеу барысымен танысты. Мамандардан өндіріс саласындағы мамандықтар, техникалық қауіпсіздік ережелері, еңбек тәртібі, жұмыс процесі туралы маңызды мәліметтер алды. Оқушылар инженер, технолог, оператор, дәнекерлеуші секілді мамандықтардың ерекшеліктерімен танысып, бұл