«Ұлттық киім күні»:

«Ұлттық киім күні»: Наурыз мейрамы қарсаңында өтетін Наурызнама онкүндігі аясында мектепте «Ұлттық киім күні» ұйымдастырылды.

Шараның мақсаты – қазақ халқының ұлттық киімдерін дәріптеу, олардың тарихы мен маңызын түсіндіру, оқушылардың ұлттық мәдениетке деген қызығушылығын арттыру.Бұл күні мектеп оқушылары мен ұстаздары ұлттық киімдер киіп, қазақ халқының дәстүрлі киім үлгілерін таныстырды. Қатысушылар ұлттық киімдердің ерекшеліктері, олардың ою-өрнектерінің мәні мен тәрбиелік маңызы туралы мәліметтер берді. Сонымен қатар ұлттық нақыштағы шағын таныстырылымдар мен фотосессиялар ұйымдастырылып, оқушылар өздерінің шығармашылық қабілеттерін көрсетті.

 «Ұлттық киім күні» ұлттық құндылықтарды дәріптеуге, оқушылардың ата-баба мұрасына деген құрметін арттыруға және ұлттық мәдениетке деген қызығушылығын қалыптастыруға ықпал етті.