Оқушылардың сабаққа қатысуы мен мектеп формасын тексеру туралы мәлімет

Мектеп әкімшілігі мен мектептің өзін-өзі басқару ұйымы тарапынан оқушылардың сабаққа тұрақты қатысуы және мектеп формасының талапқа сай болуы бойынша күнделікті бақылау жұмыстары жүргізілуде. Тексеру барысында оқушылардың сабаққа кешікпеуі, себепсіз сабақ босатпауы және мектептің ішкі тәртіп ережелерін сақтауы назарға алынды. Сонымен қатар мектеп формасының бірыңғай талапқа сәйкестігі, сыртқы келбеті мен тазалығы қадағаланды.

Жүргізілген бақылау нәтижесінде оқушылардың басым көпшілігі мектеп формасын талапқа сай киіп келетіні және сабаққа тұрақты қатысатыны анықталды. Кейбір оқушыларға мектеп формасын сақтау және сабаққа уақытылы келу бойынша ескертулер беріліп, түсіндіру жұмыстары жүргізілді.

Мектеп әкімшілігі мен өзін-өзі басқару ұйымы алдағы уақытта да тәртіп пен оқу мәдениетін қалыптастыру мақсатында аталған бағыттағы жұмыстарды тұрақты түрде жалғастырады.