«Таза бейсенбі» акциясы аясында мектеп парламентінің ұйымдастыруымен мектеп аумағында тазалық жұмыстары
«Таза бейсенбі» акциясы аясында мектеп парламентінің ұйымдастыруымен мектеп аумағында тазалық жұмыстары өткені туралы мәлімет
«Таза бейсенбі» акциясы аясында мектеп парламентінің ұйымдастыруымен мектеп аумағында тазалық жұмыстары өткізілді. Акцияның мақсаты – оқушылардың экологиялық мәдениетін қалыптастыру, қоршаған ортаны таза ұстауға баулу, еңбекқорлық пен жауапкершілік қасиеттерін дамыту болды. Іс-шараға мектеп парламентінің мүшелері мен белсенді оқушылар қатысып, мектеп ауласын абаттандыру жұмыстарына атсалысты. Тазалық жұмыстары барысында мектеп аумағы қоқыстардан тазартылып, ауланың айналасы ретке келтірілді. Оқушылар қоршаған ортаның тазалығын сақтаудың маңыздылығын түсініп, ортақ іске белсенділік танытты.
Акция нәтижесінде мектеп аумағы көркейіп, оқушылардың табиғатқа жанашырлықпен қарау, қоғамдық мүлікке ұқыптылық таныту дағдылары нығая түсті. Осындай игі шаралар жас ұрпақтың экологиялық тәрбиесін қалыптастыруға және туған жердің тазалығына деген жауапкершілігін арттыруға ықпал етеді.