ХАТТАМА № ___

Тақырыбы: «Көктемгі демалыс уақытындағы қауіпсіздік» Ата-аналар жиналысы

Өткізілген күні: 18 наурыз 2026 жыл 

Уақыты: 11:00 – 12:20

Өткізілген орны: Медеубай Құрманов атындағы №2 орта мектептің мәжіліс залы Қатысқандар: Мектеп әкімшілігі, педагогтар, шақырылған қонақтар (Көксу АПБ, ТЖБ өкілдері), 1-11 сынып оқушыларының ата-аналары 

Күн тәртібі:

1. Кіріспе сөз. Мектеп директоры Н.Н. Джексембиева.
2. Ата-аналарға арналған тренинг. Мектеп психологы А. Есенбол.
3. «Көктемгі демалыс уақытындағы қауіпсіздік» / «Безопасность во время весенних каникул». ДТІЖО Ж.Ж. Бейсембеков, педагог-ұйымдастырушы А. Сегизбаева.
4. Менторлық жұмыс және медиация. Әдеп, құқық жұмысы жөніндегі ментор А. Жебеген.
5. Ата-аналарға балалар қауіпсіздігі туралы ақпарат. Көксу АПБ ҚҚБ бастығы, полиция майоры А.Ж. Кабдыгалиев, Көксу ауданы ТЖБ инженері, азаматтық қорғау аға лейтенанты А. Тусупбеков.
6. Ұсыныстар қабылдау, кері байланыс.

I. ТЫҢДАЛДЫ:

Күн тәртібіндегі бірінші мәселе бойынша: Мектеп директоры Н.Н. Джексембиева жиналысты ашып, қатысушыларды күн тәртібімен таныстырды. Ол көктемгі демалыс кезеңінде оқушылардың өмірі мен денсаулығын сақтаудың маңыздылығын атап өтіп, бұл бағытта мектеп пен отбасының бірлескен жұмысының қажеттілігіне тоқталды. Жиналыстың негізгі мақсаты — қауіпсіз мінез-құлық дағдыларын қалыптастыру, ата-аналардың жауапкершілігін арттыру және төтенше жағдайлардың алдын алу екенін ескертті.

Екінші мәселе бойынша: Мектеп психологы А. Есенбол ата-аналармен шағын тренинг өткізді. Тренинг барысында демалыс уақытында баламен тиімді қарым-қатынас орнату, олардың бос уақытын дұрыс ұйымдастыру және психологиялық қолдау көрсету жолдары талқыланды. Ата-аналар белсенді қатысып, өз ойларын ортаға салды.

Үшінші мәселе бойынша: ДТІЖО Ж.Ж. Бейсембеков және педагог-ұйымдастырушы А. Сегизбаева «Көктемгі демалыс уақытындағы қауіпсіздік» тақырыбында баяндама жасады (қазақ және орыс тілдерінде). Баяндамашылар көктем мезгіліне тән қауіптерге (су айдындарындағы мұздың жұқаруы, жол көлік оқиғалары, көшедегі қауіпсіздік, өрт қауіпсіздігі) тоқталып, балаларға түсіндіру жұмыстарын жүргізу әдістерін көрсетті. Арнайы жадынамалар мен көрнекіліктер ұсынылды.

Төртінші мәселе бойынша: Әдеп, құқық жұмысы жөніндегі ментор А. Жебеген менторлық жұмыс және медиацияның маңызы туралы сөз қозғады. Ол мектептегі құқық бұзушылықтардың алдын алу, даулы жағдайларды медиация тәсілімен шешу жолдары және баланың құқықтық сауаттылығын арттырудағы ата-ананың ролі туралы ақпарат берді.

Бесінші мәселе бойынша: Шақырылған қонақтар сөз алды. Көксу АПБ ҚҚБ бастығы, полиция майоры А.Ж. Кабдыгалиев балалардың жол ережесін сақтауы, кешкі уақытта үлкендерсіз жүруге шектеулер, интернет желісіндегі қауіпсіздік және әкімшілік жауапкершілік туралы нақты мысалдармен түсіндірді. Көксу ауданы ТЖБ инженері, азаматтық қорғау аға лейтенанты А. Тусупбеков көктемгі су тасқыны кезеңіндегі қауіпсіздік, өрт қауіпсіздігі ережелерін сақтау және төтенше жағдайлар кезіндегі іс-әрекеттер туралы нұсқаулықтар берді.

Ата-аналар тарапынан демалыс кезіндегі үйірмелердің жұмыс кестесі, мектеп жанындағы лагерьлерді ұйымдастыру және балалардың интернеттегі уақытын бақылау әдістері туралы сұрақтар қойылды. Сұрақтарға мектеп әкімшілігі мен шақырылған мамандар толық жауап берді.

II. ШЕШІМ ҚАБЫЛДАНДЫ:

1. Ата-аналар жиналысында берілген «Көктемгі демалыс уақытындағы қауіпсіздік» туралы ақпарат назарға алынсын.
2. Ата-аналарға көктемгі демалыс кезінде (___ нарыздан ___ нарызға дейін) балаларының өмірі мен денсаулығына, олардың жүріс-тұрысына толық жауапкершілік жүктелсін.
3. Мектеп әкімшілігі:
   • Ата-аналардың ұсыныстарын ескере отырып, демалыс кезіндегі іс-шаралар жоспарын (кітапхана, спорт залы) қайта қарауды және бекітуді;
   • Қауіпсіздік ережелері бойынша жадынамаларды сынып жетекшілері арқылы барлық ата-аналарға жеткізуді (электронды және қағаз түрінде) ұйымдастырсын.
4. Сынып жетекшілері демалыс қарсаңында оқушылармен техникалық қауіпсіздік және өрт қауіпсіздігі ережелері бойынша қосымша нұсқаулықтар өткізсін.
5. Осы хаттаманың орындалуын бақылау мектеп директорының тәрбие ісі жөніндегі орынбасары Ж.Ж. Бейсембековке жүктелсін.

Жиналыс төрағасы: ___________ Н.Н. Джексембиева 

Жиналыс хатшысы: ___________   А.Сегизбаева  

Отбасы – қоғамның негізі, ал әкенің отбасындағы рөлі бала тәрбиесінде ерекше маңызға ие. Әке – баланың өмірлік бағытын айқындайтын, жауапкершілікке, еңбекқорлыққа және тәртіпке баулитын тұлға. Осыған байланысты мектеп пен отбасы арасындағы ынтымақтастықты нығайту, әкенің тәрбиелік рөлін арттыру мақсатында «Әке – отбасының тірегі» тақырыбында мектепішілік Әкелер одағымен кездесу ұйымдастырылды.

Мақсаты. Отбасындағы әкенің жауапкершілігін арттыру, бала тәрбиесіндегі әкенің үлгісін насихаттау және мектеп пен ата-аналар арасындағы серіктестікті нығайту. Кездесу барысында әкелер одағының мүшелері өз тәжірибелерімен бөлісіп, бала тәрбиесіндегі жауапкершілік, тәртіп, үлгі көрсету, уақытты тиімді өткізу мәселелері қозғалады. Сонымен қатар мектеп психологы мен сынып жетекшілерінің қатысуымен пікір алмасу, сұрақ-жауап жүргізіледі.Іс-шара әкелер мен балалар арасындағы өзара түсіністікті нығайтуға, отбасы құндылықтарын құрметтеуге бағытталады.

ХАТТАМА №4

Мектепішілік ата-аналар жиналысы

Өткізілген күні: 19.12.2025 жыл
 Өткізілген орны: Мәжіліс залы
 Қатысқандар: мектеп директоры, ДТІЖО, педагог-ұйымдастырушы, құқық қорғау органы өкілі А. Тасболатова
 Төраға: Мектеп директоры Н.Н. Джексембиева
 Хатшы: ДТІЖО Ж.Ж. Бейсембеков

КҮН ТӘРТІБІ:

1. Қыс мезгіліндегі балалардың жол қауіпсіздігі және жарық шағылыстырғыш элементтерді пайдалану.
2. Қысқы демалыс кезіндегі ата-аналардың жауапкершілігі.
3. Жаңа жылдық мерекелер кезіндегі қауіпсіздік (шырша, салют, жарылғыш заттарды қолданбау).

1-МӘСЕЛЕ БОЙЫНША ТЫҢДАЛДЫ:

Мектеп директоры Н.Н. Джексембиева кіріспе сөз сөйлеп, қыс мезгілінде күннің ерте қараңғылануына байланысты балалардың жолдағы қауіпсіздігіне ерекше назар аудару қажеттігін атап өтті.

Директор балалардың жол қозғалысы ережелерін қатаң сақтауы, жаяу жүргіншілер өткелінен ғана өтуі, жолдың рұқсат етілмеген жерлерінен өтпеуі қажет екенін ескертті. Сонымен қатар, ата-аналарға балалардың мектепке және үйге қауіпсіз бағытпен қатынауын бақылауда ұстау қажеттігі айтылды.

Күннің ерте қараңғылануына байланысты балалардың сырт киімдерінде, сөмкелерінде және бас киімдерінде жарық шағылыстырғыш (жарықтандырғыш) элементтердің болуы аса маңызды фйекені түсіндірілді. Жарық шағылыстырғыштар жүргізушілерге балаларды алыстан көруге мүмкіндік беріп, жол-көлік оқиғаларының алдын алуға ықпал етеді. Осыған орай, ата-аналарға балаларды міндетті түрде жарық шағылыстырғыш элементтері бар киімдермен қамтамасыз ету ұсынылдыОл ата-аналарға балалардың сырт киімдерінде, сөмкелерінде жарық шағылыстырғыш (жарықтандырғыш) элементтердің міндетті түрде болуы жол-көлік оқиғаларының алдын алуда маңызды екенін түсіндірді. Сондай-ақ, балаларға жол қозғалысы ережелерін сақтау, жаяу жүргіншілер өткелінен өту және жолда абай болу жөнінде үнемі ескертіп отыру қажеттігін айтты.

2-МӘСЕЛЕ БОЙЫНША ТЫҢДАЛДЫ:

 Екінші мәселе бойынша қазақ тілінде ДТІЖО Ж.Ж. Бейсембеков, орыс тілінде педагог-ұйымдастырушы Сегизбаева А. ата-аналарға кең көлемде түсіндіру жұмыстарын жүргізді.

Қысқы демалыс кезінде балалардың бос уақыты көбейетінін, осы кезеңде ата-аналардың бақылауы әлсіресе түрлі қауіп-қатерлердің туындауы мүмкін екенін атап өтті. Балалардың мұз қатқан өзен-көлдерде ойнауы, бақылаусыз сырғанақ тебуі, ұзақ уақыт көшеде жүруі олардың өмірі мен денсаулығына қауіп төндіретіні айтылды.

Сондай-ақ, ата-аналарға балаларды кешкі уақытта жалғыз жібермеу, олардың кіммен және қай жерде жүргенін қадағалау, интернет желісі мен әлеуметтік желілердегі қауіпсіздікке ерекше назар аудару қажеттігі түсіндірілді. Балалардың сырт киімдерінде жарық шағылыстырғыш элементтерді тұрақты түрде тағып жүруін қамтамасыз ету ата-аналардың тікелей міндеті екені қайта ескертілді.

Қысқы демалыс кезеңінде балалардың қауіпсіздігін қамтамасыз ету – ата-аналардың жауапкершілігін талап ететін маңызды мәселе екені атап өтілді.

Сонымен қатар, балалардың сыртқы киімдерінде жарық шағылыстырғыш элементтерді тұрақты түрде тағып жүруін қамтамасыз ету ата-аналардың міндеті екені ескертілді.

3-МӘСЕЛЕ БОЙЫНША ТЫҢДАЛДЫ:

Көксу ауданының кәмелетке толмағандардың құқықтарын қорғау жөніндегі полиция капитаны А. Тасболатова сөз алып, ата-аналарға құқық бұзушылықтың алдын алу, демалыс уақытындағы қауіпсіздік шаралары туралы түсіндіру жұмыстарын жүргізді.

Сондай-ақ, Жаңа жыл мерекесін өткізу кезінде салют, фейерверк және басқа да жарылғыш заттарды қолдануға қатаң тыйым салынатынын, жаңа жылдық шыршаны орнату барысында өрт қауіпсіздігі талаптарын сақтау қажеттігін айтты. 

Ол ата-аналарға кәмелетке толмағандардың құқықтары мен міндеттері, құқық бұзушылықтың алдын алу және демалыс уақытында қоғамдық тәртіпті сақтау жөнінде кеңінен түсіндірді. Жаңа жыл мерекесін атап өту кезінде салют, фейерверк, петарда сияқты жарылғыш заттарды қолдану балалардың өміріне үлкен қауіп төндіретінін айтып, олардың қолданылуына қатаң тыйым салынатынын ескертті.

Сонымен қатар, жаңа жылдық шыршаны орнату барысында өрт қауіпсіздігі талаптарын сақтау, электр шамдарын дұрыс пайдалану, ашық от көздерін қолданбау қажеттігі ата-аналардың назарынa жеткізілді.

ҚОРЫТЫНДЫ

Жиналыс барысында қыс мезгілінде және қысқы демалыс кезеңінде балалардың қауіпсіздігін қамтамасыз ету үшін ата-аналарға жауапкершілік жүктелетіні, мектеп пен ата-ана арасындағы өзара ынтымақтастықтың маңыздылығы атап өтілді. Балалардың жол қауіпсіздігі, жарық шағылыстырғыш элементтерді пайдалану, демалыс уақытындағы бақылау және жаңа жылдық мерекелердегі қауіпсіздік шараларын сақтау басты назарда болуы тиіс.

ҚАУЛЫ ЕТТІ:

1. Қыс мезгілінде балалардың жол қауіпсіздігін қамтамасыз ету және жарық шағылыстырғыш элементтері бар киімдерді міндетті түрде кигізу ата-аналарға жүктелсін.
2. Қысқы демалыс кезінде балалардың өмірі мен денсаулығы үшін ата-аналардың жауапкершілігі күшейтілсін.
3. Жаңа жылдық мерекелерде салют, фейерверк және жарылғыш заттарды қолдануға жол берілмесін.
4. Қауіпсіздік ережелері бойынша түсіндіру жұмыстары тұрақты жүргізілсін.

Жетісу облысы білім басқармасының 2025-жылғы 14-қазанындағы №42-422 хатына сәйкес, жасөспірімдер мен ата-аналар арасында тұрмыстық зорлық зомбылыққа мүлдем төзбеушілікті насихаттау мақсатында Медеубай Құрманов атындағы №2 орта мектепте мектепішілік ата аналар жиналысы ұйымдастырылды.

Жиналыс барысында мектеп әкімшілігі мен педагогикалық ұжым ата-аналарға тұрмыстық зорлық-зомбылықтың алдын алу, оның салдары мен бала психологиясына тигізетін әсері туралы жан-жақты ақпарат берді. Сонымен қатар, отбасыдағы өзара түсіністік пен сыйластықты нығайту, балаларға қолайлы тәрбиелік орта қалыптастыру жайында ұсыныстар айтылып, бейнероликтер көрсетілді.

Іс-шара ата-аналардың белсенді қатысуымен өтті. Қатысушылар өз ойларымен бөлісіп, өзекті мәселелерді талқылап, баланы қауіпсіз ортада тәрбиелеудің маңыздылығын ерекше атап өтті.

Жиналыс соңында ата-аналар тарапынан аталған бағыттағы жұмыстарды жүйелі түрде жалғастыру туралы ұсыныстар айтылып, мектеп пен ата-аналар арасындағы ынтымақтастықты одан әрі нығайтуға уағдаласты. 

ХАТТАМА №3

Тақырыбы: «Бірлескен әрекет — сапалы білімнің кепілі»
 Өткізілген күні: 2025 жылғы 3 қазан
 Өткізілген орны: Мәжіліс залы
 Қатысқандар: 105

Күн тәртібі:

1.Жалпы  тазалық  және  тұмау.Тұмаудың алдын алу шаралары.                                                                     

2. «Адал азамат» біртұтас тәрбие бағдарламасы бойынша жүзеге асырылып жатқан жобалар.                                                                 

3.Әртүрлі мәселелер:

Жиналыс барысы:

1.Кіріспесөз:

             Мектеп директоры Н.Н.Джексембиева,бүгін біз өзіміздің ортақ міндетіміз – балаларымыздың сапалы білім алып, тәрбиелі, саналы азамат болып қалыптасуы жолындағы атқарып жатқан жұмыстарымызды саралап, бірлесе отырып пікір алмасуға жиналып отырмыз.

Мектебімізде оқушылардың денсаулығы мен қауіпсіздігі, тәрбиесі мен білім сапасы әрдайым басты назарда. Осы ретте оқушыларымыздың бойында адалдық, әділдік, жауапкершілік сынды адами құндылықтарды қалыптастыру мақсатында жүзеге асырылып жатқан «Адал азамат» біртұтас тәрбие бағдарламасы туралы, сонымен қатар, алдағы қыс мезгілінде жиі кездесетін тұмау ауруының алдын алу шаралары туралы кеңірек ақпарат берілетін болады.

Бала – біздің болашағымыз. Сол себепті, мектеп пен ата-ананың тығыз байланыста болып, өзара түсіністікпен әрекет етуі – табысты тәрбиенің кепілі.

Мектеп медбикесі Құрманғали Аружан сөз алып, Ол жалпы тазалықтың маңызын, тұмаудың алдын алу жолдарын түсіндірді. Тұмау – тыныс алу жолдарын зақымдайтын, вирустар арқылы тарайтын жұқпалы ауру. Әсіресе күз-қыс мезгілінде тұмау кеңінен таралады.

Тұмаудың алдын алу шаралары:

1. Қоғамдық орындарда бетперде (маска) тағу;
2. Қолды сабындап жиі жуу, антисептик қолдану;
3. Жеке гигиена ережелерін сақтау (жөтелгенде ауызды жабу, бет-ауызды қолмен ұстамау);
4. Ағзаның иммунитетін көтеру (дұрыс тамақтану, дәрумендер қабылдау, спортпен айналысу);
5. Дәрігер кеңесінсіз өзін-өзі емдеуге болмайды;
6. Ауру белгісі байқалған жағдайда мектепке келмей, үйде ем қабылдау қажет;
7. Мектеп пен үй-жайларды жиі желдету, тазалық жұмыстарын күшейту.

Ата-аналардан балаларын таза киіндіруге, жеке бас гигиенасына көңіл бөлуге шақырды.

Директордың тәрбие ісі жөніндегі орынбасары Ж.Ж.Бейсембеков «Адал азамат» – білім беру ұйымдарында оқушылардың адалдық, әділдік, парасаттылық, патриоттық сияқты құндылықтарын қалыптастыруды көздейтін біртұтас тәрбие бағдарламасы. Бағдарлама аясында еліміздегі барлық мектептерде түрлі жобалар жүзеге асырылып жатыр. Соның ішінде 6 жоба мен қоса АПҚО іске асырылып келе жатыр:

«Балалар кітапханасы», «Қамқор», «Еңбегі адал – жас өрен», «Шабыт», «Ұшқыр ой алаңы», «Smart bala»,осы жобалар жұсеге асырылып жыл соңында «Жобалар жәрмеңкесі» өтіп ұздік жобалар марапатталатын болады деп сөзін аяқтады.

Әртүрлі мәселелер бойынша Ата-аналар тарапынан 

1.  Балалардың телефон қолдану уақытын шектеу;

2.  Қосымша сабақтар ұйымдастыру;

3.  Мектеп ауласын жарықтандыру.

деген ұсыныстар айтылды.

Қаулы етілді:

1. Тұмаудың алдын алу бойынша барлық ата-аналар өз балаларымен түсіндіру жұмыстарын жүргізсін.
2. «Адал ұрпақ» жобасы аясында ата-аналармен бірлескен іс-шара ұйымдастырылсын.
3. Сыныптағы үлгерімі төмен оқушылармен қосымша жұмыс ұйымдастыру туралы пән мұғалімдерімен келісілсін.
4. Ата-аналар комитеті мектеп әкімшілігіне жарықтандыру мәселесін жеткізсін.

Жиналыс төрайымы: мектеп директоры                   Н.Н.Джексембиева 

Хатшы:                        ДТІЖО                                              Ж.Ж.Бейсембеков

ХАТТАМА №1

Жиналыс атауы: Мұғалімдер жиналысы
 Өткізу тақырыбы: «Бала қауіпсіздігі – қоғам келешегі»
 Өткізілген күні: 2025 жылғы 22 қыркүйек
 Өткізілген уақыты: 16:00
 Өткізілген орны: Мәжіліс залы
 Қатысқандар 38

Жетекшісі: Мектеп директоры Н.Н.Джексембиева

Күн тәртібі:

1. Бала қауіпсіздігін қамтамасыз етудің маңыздылығы туралы.
2. Мектеп ішіндегі және сыртындағы қауіпсіздік шараларын күшейту.
3. Оқушылардың интернеттегі қауіпсіздігін қадағалау.
4. Ата-аналармен бірлескен жұмыс формаларын талқылау.
5. Мектепте төтенше жағдайлардың алдын алу шараларын пысықтау.

Жиналыс барысы:

1. Кіріспе сөз:
 Мектеп директоры Н.Н.Джексембиева жиналысты ашып, бала қауіпсіздігінің бүгінгі қоғамдағы маңызына тоқталды. Баланың денсаулығы мен қауіпсіздігі – қоғам болашағының кепілі екендігі атап өтілді.

2. Баяндамалар:

• Директордың тәрбие ісі жөніндегі орынбасары Ж.Ж.Бейсембеков: Ата-аналармен бірлесе жұмыс істеудің тиімді әдістерін ұсынды. Ата-аналар жиналыстарында бала қауіпсіздігіне байланысты ақпараттандыру жұмыстарын жүйелі түрде жүргізу қажеттігі,үштік одық құра отырып ата-ана,бала мұғалім арасындағы ынтымақтастықты арттыру жолдары мен ұсыныстар айтты
• Пән мұғалімі М.Н.Бейсембекова : Оқушылардың киберқауіпсіздігін сақтау жолдарына тоқталды. Интернеттегі қауіп, әлеуметтік желідегі алаяқтық пен кибербуллингтің алдын алу туралы айтып, буллинг пен кибербуллингке итермелеген кәмелетке жасы толмағандардың қандай жаза болатынын атап айтып әкімшілік құқық
• Директордың шаруашылық ісі жөніндегі орынбасары А.Орысбаев: Мектеп аумағындағы қауіпсіздік ережелерінің орындалуы, бақылау жүйесі және күзет жұмыстары туралы ақпарат берді.Сонымен қатар мектеп ауласымен ішінде орналасқан бейне бақылаулар туралы ақпарат беріп,алдағы уақытта тағы 15 бейне бақылау камерасына тапсырыс беріліп отырғаны хабарланды

3. Талқылау:
 Мұғалімдер тарапынан оқушылардың мектепке келу-кету бағытындағы қауіпсіздік, үзіліс кезіндегі бақылау, мектеп асханасының санитарлық жағдайы, төтенше жағдай кезіндегі эвакуация жоспары сынды мәселелер көтерілді.

ҚАУЛЫ ЕТІЛДІ:

1. Бала қауіпсіздігіне байланысты барлық мұғалімдерге жауапкершілік арттыру.
2. Мектеп ішіндегі бейнебақылау жүйесінің жұмысын қатаң қадағалау.
3. Әр сынып жетекшісіне оқушылармен қауіпсіздік ережелері бойынша нұсқама жүргізу (аптасына кемінде 1 рет).
4. Ата-аналармен бірлесе отырып, қауіпсіздік туралы семинар ұйымдастыру.
5. Киберқауіпсіздік бойынша мектеп оқушыларына арнап тәрбие сағатын өткізу.

Жиналыс төрағасы:                           Н.Н.Джексембиева
 Хатшы:                                                 Ж.Ж.Бейсембеков